Fréttir

Nýjustu fréttir af fiskiljósunum hennar Fanneyjar Antonsdóttur.Hanna Eyrún Antonsdóttir, systir Fanneyjar er að aðstoða við gerð fiskiljósanna hér heima. Þessir lampar verða settir upp í Leifsstöð í Keflavík nú um miðjan maí. Þá er Guggenheim í Berlín búið að velja ljósið til sölu í netverslun sinni, en það er eitt virtasta safn í Evrópu. Síðan er útflutningsráð búið að velja ljósin á sýningu í Tokýó í Japan í oktober.Sem sagt frábærar fréttir af frægum Hríseyingum.Til hamingju Fanney   

Í gær laugardag 19. apríl mættu um þrjátíu manns í hádegisverð sem var í boði Markaðsráðs Hríseyjar. Boðið var upp á grjónagraut (mjólkurgraut), slátur og smurt brauð. Þetta var í fyrsta sinn sem þessi hádegisverður var, en til stendur að bjóða upp á hann einu sinni í mánuði. Allir eru velkomnir og er fólki alveg frjálst að leggja eitthvað til með sér ef það vill koma á framfæri einhverju, hvort sem það er matarkyns eða bara vísukorn, saga eða eitthvað skemmtilegt. Þarna getur skapast skemmtilegur vettvangur fyrir umræður og skoðanaskipti. Markaðsráðið mun svo vera með einhverja kynningu á starfsemi sinni og hvað framundan er hjá því.Verði ykkur að góðu. Stjórnin   

  Konukvöld í Brekku föstud. 25.apríl kl 20:00Húsið opnar kl 19:30.Fordrykkur, 2ja rétta kvöldverður, kaffi og happdr.miði.Verð kr 2700Földi glæsilegra vinninga í boði.Hársnyrtis.Lokkalist  Hótel KEA,  Bak og fyrir,   Hársnyrtis. Zone,  Veitingahúsið  Brekka.VeislustjóriArnar SímonarsonÓmar Hlyns lofar stuði fram á nótt.Húsið opnar fyrir alla kl. 23:00Vinsamlegast pantið miða fyrir 22.apríl í síma 6953737   

  Kæru Hríseyingar Markaðsráð Hríseyjar býður öllum þeim sem vettlingi geta valdið til hádegisverðar í Hlein á laugardag 19. apríl n.k. kl. 12.00.  Mætum og borðum saman grjónagraut og brauð, ræðum málin og eigum saman góða stund.Allir hjartanlega velkomnir  

Minnum á Aðalfundinn á morgun miðvikudag 9. apríl kl. 20.00 í Brekku. Fjölmennum á fundinn og tökum höndum saman og byggjum upp ferðaþjónustu í Hrísey. Það geta allir sem áhuga hafa, gengið í Markaðsráðið.Tekið úr lögum félagsins:Aðild að samtökunum3. gr.Aðild að MRH geta átt öll fyrirtæki, félagasamtök,stofnanir og einyrkjar sem stunda atvinnurekstur í Hrísey.  Áhugamenn um tilgang félagsins geta gerst aðildarfélagar.Stjórn MRH 

Hörður Torfason var með tónleika í Sæborg í kvöld og þangað mættu 16 manns. Þessir tónleikar voru alveg stórkostlegir og leiðinlegt að sjá hvað fáir mættu til þess að hlýða á þennan góða listamann. Hörður bregður sér í alls konar hlutverk á meðan hann flytur dagskrána sína. Hörður er á ferð um Norðurland með Kertaljósatónleika sín og inn á heimasíðu Harðar má sjá þessa umsögn um tónleikana í kvöld:    "Til gamans má geta þess, mér til mikillar undrunar, þegar farið var að ræða málið þá hef ég ekki haldið tónleika í Hrísey í 16 ár! Tíminn er svo sannarlega fljótur að líða. Svo mál er komið að  birtast í Hrísey og kveðja gamla samkomuhúsið Sæborg með virktum og söknuði því þar hef ég haldið marga tónleika og jafnvel sviðsett leikrit svo ég á margar góðar minningar þaðan. Mér skilst á öllu að húsið eigi að fá nýtt hlutverk í eyjunni og vera lagt niður sem samkomuhús. "Þessi texti er tekinn beint af síðu Harðar og vona ég að hann fyrirgefi það. 

Í kvöld fimmtudagskvöldið 3. apríl komu saman í Hlein níu manns sem allir eiga það sameiginlegt að vilja halda Hríseyjarhátíð. Það var ákveðið á fundinum að næsta skref væri að reyna að afla fjár til að halda hátíðina og finna út í hvaða formi við viljum halda Þessa elleftu hátíð okkar. Svo verðum við bara að vona að eyjaskeggjar taki vel í að standa vaktir hátíðarhelgina, því þetta veltur jú allt á samvinnu.Undirbúningshópurinn. 

  Undirbúningsfundur fyrir Fjölskylduhátíð í Hrísey  18. - 20. júlí 2008  Fundar í Hlein fimmtudaginn 3. apríl kl. 20.Okkur vantar áhugasama einstaklinga til að hjálpa okkur við að undirbúa og skipuleggja hátíðina í sumarÞeir sem vilja leggja okkur lið eru hvattir til að mæta. Stöndum saman og höldum hátíð.  Undirbúningshópurinn 

 Takið frá föstudagskvöldið 25. apríl n.k. Þá verður konukvöld í Brekku og tilvalið að fara að byrja undirbúnig, fá sér neglur og fara í vax.Nánar auglýst síðar.Brekka  

Aðalfundur.Aðalfundur Markaðsráðs Hríseyjar verður haldinn miðvikudaginn 9. apríl 2008 kl. 20.00 í Brekku.  Dagskrá fundarins er eftirfarandi: Skýrsla stjórnar fyrir liðið starfsár.  Reikningar félagsins fyrir liðið reikningsár.  Kosningar í trúnaðarstöður.  Kosning löggilts endurskoðenda  Umræður og atkvæðagreiðsla um önnur mál.Stjórn Markaðsráðsins hvetur alla til að mæta á fundinn og hafa þannig áhrif á starf félagsins og virkni þess. Boðið verður upp á kaffi og með því.