Fréttir

Dagurinn í gær var hreint ótrúlegur, veðrið stórkostlegt og þátttakan framar björtustu vonum. Um fimmtíu manns nýttu sér að fara frítt í sund, börnin nutu sín í leikjum undir stjórn Ingibjargar kennara og vöfflurnar hreinlega flugu út. Síðan var uppboð og ýmislegt boðið upp s.s. tertur, málverk og fiskur. Eftir uppboðið var boðið upp á skemmtidagskrá þar sem fram komu Hrannar Björn í skemmtilegum gervum, Aðalsteinn Bergdal, Gréta Kristín, Unnar og Olli (BS), síðan spiluðu Guðjón og Birgir Sigurjóns undir borðum á meðan grillað var og brugðu þau feðgin Gréta Kristín og Ómar sér upp á svið og tóku lagið með þeim snillingum. Boðið var upp á grillmat og bjór gegn vægu gjaldi. Keyptur var matur fyrir hundrað manns og ekki var arða eftir þegar biðröðin kláraðist.  Eftir matinn héldu þeir félagar Kiddi Árna og Hrannar áfram með uppboðið og var meðal annars boðin upp gamall bíll og enn fleiri málverk einnig gosið sem ekki kláraðist á matnum.   Um kvöldið steig síðan Andrea Kristinsdóttir á svið og tók lagið og síðan spiluðu stuðboltarnir í Stormsveitinni fram á rauða nótt.Það er ánægjulegt að eftir svona dag finnur maður hvað það er gott að búa í Hrísey, við stöndum saman sem einn þegar eitthvað bjátar á og nálægðin sem margir  ekki þekkja til finnst óþægileg, verður til þess að maður fyllist öryggi. Það er ástæða til að þakka öllum þeim sem tóku þátt í þessum degi með okkur alveg hjartanlega fyrir að taka þessu svona vel, án ykkar hefði þetta ekki verið framkvæmanlegt. Einnig eru bestu þakkir til Kristins Árnasonar kynnis, Agnesar í  Bruggsmiðjunni, Eyjabúðarinnar, Brekku, Ektafisks, Vífilfells og þeim fyrirtækjum, félagasamtökum og einstaklingum sem gerðu daginn af því sem hann varð. Síðustu tölur eru að rétt um milljón safnaðist og verða vonandi komnar endanlegar tölur inn á síðuna á morgun  en eftir er að gera upp smávegis útlagðan kostnað.  Von er á fullt af myndum inn á síðuna líka. 

Laugardaginn 6. september standa eftirtalin félög í Hrísey fyrir fjáröflunardagskrá til styrktar Ólafi Helga, Birnu Maríu og börnum.Dagskráin:Frítt í sund frá kl. 13:00-15:00Leikir og sprell á Hátíðarsvæði kl. 15:00, fyrir alla.Vöfflur, kaffi og kakó kl. 15:30Skemmtidagskrá á sviði frá kl. 16:00:Hrannar BjörnAndrea KristinsdóttirUnnar og Olli (hinir einu og sönnu)Gréta Kristín ÓmarsdóttirAðalsteinn Bergdalstíga á stokk.Grillað verður á svæðinu kl. 18:00Dagskrá lýkur með dansleik Stormsveitarinnar fyrir alla fjölskylduna.Hvert félag leggur fram vissa upphæð til fjáröflunarinnar, seldar verða veitingar og mun ágóði þeirra renna beint í söfnunina. Einnig verður tekið við frjálsum framlögum.Fjölskylduhátíðin í Hrísey, Krafla, Kvenfélagið, Lionsklúbburinn, MRH og Narfi. 

Laugardaginn 6. september standa eftirtalin félög í Hrísey fyrir skemmtidegi til styrktar Ólafi Helga og fjölskyldu. Í boði verður söngur, leikir, grín og glens, leikhús og tónleikar. Sameiginlegt grill þar sem lagt verður til meðlæti en fólk kemur sjálf með á grillið.Nánari dagskrá auglýst síðarKrafla, Kvenfélagið, MRH, Narfi og Slysavarnarfélagið. 

Það eru fleiri en handboltalandsliðið sem eru að gera það gott í boltanum. Lið Narfa lenti í öðru sæti í utandeildinni sem leikinn hefur verið í Boganum í sumar. Leikið var í tveimur riðlum og komust þeir alla leið í úrslitaleikinn um gullið en töpuðu þeim leik 3-1Mjög góður árangur hjá strákunum.Strákarnir landa fyrsta sætinu næst eftir að þeir verða búnir að æfa í nýja salnum í vetur.Myndina tók Ragnar VíðissonÁfram Narfi.

Nú skemmtun við okkur saman.Laugardaginn 6. september verða allir að taka frá. Þá ætla félögin í Hrísey að standa fyrir skemmtilegum degi. Boðið verður upp á ýmsa skemmtun s.s tónlist, leiki, leiklist og fl. Kveikt verður upp í grillum og vonandi koma sem flestir og grilla saman. Dagskráin mun standa fram á kvöld. Nánar auglýst síðar. 

Auglýst eftir umsóknum um byggðakvóta25.7.2008 Fiskistofa auglýsir eftir umsókum um byggðakvóta fyrir byggðalögin Akureyrarbæ, Dalvíkurbyggð, Húnaþing vestra, Stykkishólmsbæ og Grundafjarðarbæ. Umsóknarfrestur er til og með 8. ágúst og umsóknum skal skila til Fiskistofa á sérstöku eyðublaði sem er að finna hér.Auglýsingin er samkvæmt reglugerð um úthlutun byggðakvóta til fiskiskipa nr. 605, 24. júní 2008, auk sérstakra úthlutunarreglna í hlutaðeigandi byggðalögum sbr. auglýsingu nr. 731/2008 í Stjórnartíðindum.Sjá nánar á http://www.fiskistofa.is/   

Auglýst eftir umsóknum um byggðakvóta25.7.2008 Fiskistofa auglýsir eftir umsókum um byggðakvóta fyrir byggðalögin Akureyrarbæ, Dalvíkurbyggð, Húnaþing vestra, Stykkishólmsbæ og Grundafjarðarbæ. Umsóknarfrestur er til og með 8. ágúst og umsóknum skal skila til Fiskistofa á sérstöku eyðublaði sem er að finna hér.Auglýsingin er samkvæmt reglugerð um úthlutun byggðakvóta til fiskiskipa nr. 605, 24. júní 2008, auk sérstakra úthlutunarreglna í hlutaðeigandi byggðalögum sbr. auglýsingu nr. 731/2008 í Stjórnartíðindum.Sjá nánar á http://www.fiskistofa.is/  

Frá 19. júní - 19. júlí í sumar stóð yfir sundkeppni í Hrísey. Það var Björn Eiríksson sem átti heiðurinn af þessari keppni. Markmiðið var að synda 200 metra tuttugu sinnum á þrjátíu og einum degi og nöfn þeirra sem kláruðu að synda fóru í pott. Sunnudaginn 20. júlí var svo dregið úr pottinum og fengu allir verðlaun. Þetta voru glæsileg verðlaun, sem dæmi má nefna reiðhjól, prentarar, bílaleigubíll í eina helgi, matur á Brekku, sundkort, úttekt úr Múrbúðinni, gisting í Reykjavík yfir helgi og margt margt fleira. Ýmis fyrirtæki gáfu verðlaunin og voru fyrirtæki úr eynni áberandi í þeim hópi. Rúmlega þrjátíu manns kláruðu keppnina og sést það að Hríseyingar hafi haft mikla þörf fyrir að synda eftir að sunlaugin var opnuð aftur eftir endurbætur. Við vonum að fólk verði áfram duglegt að nota þessa frábæru aðstöðu og að við getum komið upp hópi af efnilegu sundfólki eins og á árum áður.  Björn í Hafnarvík á heiður skilið fyrir þetta frábæra framtak og vonandi fáum við að njóta íþróttakrafta hans áfram um ókomna tíð.Myndir frá afhendingunni.

Hátíðanefndin vill koma á framfæri þakklæti til allra þeirra sem tóku þátt í hátíðinni þó sérstaklega við undirbúning og framkvæmd. Einnig vill nefndin þeim mörgu stuðningsaðilum sem komu að hátíðinni bæði með fjárstuðning og styrki við framkvæmd einstakra atriða. Við vonum að sem flestir komi á fyrirhugaða hátið að ári.    

Þá er helgin liðin og Fjölskyldu- og Skeljahátíðin búin. Allt fór vel fram og vonandi allir ánægðir með helgina. Um 850 manns komu með ferjunni föstudag, laugardag og sunnudag. Á föstudagskvöldið var óvissuferð fyrir börn, tónleikar með Ljótu hálfvitunum, diskó á hátíðarsvæði fyrir börn og loks óvissuferð fyrir fullorðna fólkið. Á laugardeginum var svo dagskrá frá kl. 10:00 um morguninn og fram undir miðnætti. Flugeldasýningin var einkar glæsileg í ár. Sunnudagurinn var svo rólegur en þá var opið í leiktækjunum, sundlauginni, Holti og Hákarlasafninu. Hér eru myndir frá helginni.