Fréttir

Betra er seint en aldrei..... Það gleymdist að setja inn á síðuna úrslitin í jólaljósa samkeppninni árið 2010. Tilkynnt var um úrslitin í Eyjabúðinni þann 22. desember. Að þessu sinni voru það íbúar á Austurvegi 11, Teitur Björgvinsson, Theodóra Kristjánsdóttir og fjölskylda sem unnu samkeppnina. Þau fengu gjafakörfu frá Te&Kaffi.  Til hamingju með þetta.

Fjölmenni var á áramótabrennunni í Hrísey á gamlársdag. Þar var boðið upp á heilmikla flugeldasýningu sem var í boði ýmissa fyrirtækja og einstaklinga í eynni. Viljum við fyrir hönd Hríseyinga þakka þessum aðilum fyrir góða sýningu.

Þessi skemmtilega grein eftir hann Steina okkar "rjúpu" birtist í ársriti Fuglaverndar í ár. Birt með góðfúslegu leyfi höfundar. Sjá hér 

 Jólabingó í Brekku þriðjudaginn 14. desember. Barnabingó kl. 15:00 og kl. 20:30 fyrir þá eldri. Glæsilegir vinningar. Skötuveisla 23. desember kl. 18:00.Vinsamlegast pantið fyrir 17. desember í síma 695-3737 eða 466-1737.

Karrinn er komin út fjórða árið í röð hjá Ferðamálafélaginu. Sjá hér

Opnunartími á laugardögum verður frá kl. 13.00 - 15.00 frá og með 20. nóvember. Sundlaugarvörður.

Leiðalýsing 2010. Krossfarar Hríseyjar annast lýsingu leiða í kirkjugarðinum eins og undanfarin ár.   Kveikt verður á krossunum laugardaginn 4. desember með athöfn eins og venjulega kl. 18.00. Þeir sem hafa leigt krossa undanfarin á þurfa aðeins að tilkynna ef þeir hyggjast hætta lýsingu, annars eru krossar settir á sömu leiði og í fyrra. Gjald fyrir hvern kross er kr. 1.800. Panta skal leigu á nýjum krossum hjá Ásgeir í síma 466-1769 eða Kristni í síma 466-1789/695-1968. Með þökk fyrir viðskiptin síðustu ár.   Jólakveðja Krossfarar Hríseyjar. 

Hvernig væri að skella sér á jólahlaðborð í Hrísey. Laugardaginn 27. nóvemer verður jólahlaðborð í Brekku. Að vanda verða töfraðir fram glæsilegir réttir. Athugið að panta sem fyrst því það stefnir í fullt hús. Tekið á móti pöntunum í síma 695-3737. Föstudagskvöldið 26. nóvember er frátekið fyrir annað jólahlaðborð ef næg þátttaka fæst.  

Föstudagskvöldið 5. nóvember kl. 21.00 heldur Pub Quiz á Brekku áfram. Skipt er í lið sem spreyta sig á skemmtilegum spurningum. Verðlaun fyrir sigurliðið. Aðgangseyrir kr. 250 og rennur það óskipt til kaupa á vinningum.  Sjáumst hress á Brekku.