Fréttir

Laugardaginn 3. desember komu eyjaskeggjar saman í húsi Hákarla Jörundar. Þar lásu nemendur Hríseyjarskóla frumsamin ljóð og sögur, Aðalsteinn Bergdal fræddi fólk um Grýlu og Leppalúða og las ljóð um þetta sérstaka fólk, séra Hulda Hrönn M. Helgadóttir stjórnaði skemmtilegum samkvæmisleik, Ragnar Víkingsson þandi nikkuna og tóku allir undir og sungu saman nokkur jólalög. Rúmlega fimmtíu manns mættu á þessa notalegu stund.

Í dag föstudaginn 2. desember buðu Eyfarsmenn eyjaskeggjum í mat í Íþróttamiðstöðinni. Þetta mun vera níunda árið í röð sem þeir bjóða til veislu. Á boðstólnum var hangikjöt með tilheyrandi meðlæti. Jólasveinar mættu á svæðið með glaðning handa börnunum og vöktu þeir að venju mikla lukku. Kristín Björk var með myndavélina á staðnum og hér má sjá myndir.

Í dag 1. desember kl. 17.00 var kveikt á jólatrénu. Tréð kemur frá Akureyrarbæ en  Ferðamálafélagð hefur skipulagt þennan viðburð undanfarin ár. Gengið var í kringum tréð og sungnir nokkrir jólasöngvar. Á eftir bauð Júllabúð upp á heitt súkkulaði og smákökur. Myndir má sjá hér

Þá er nýr Karri kominn út og hann má nálgast hér og undir "Greinar".

Laugardagskvöldið 19. nóvember kl. 21.00 verður Pub Quiz á Brekku. Skipt er í lið sem spreyta sig á skemmtilegum spurningum. Verðlaun fyrir sigurliðið. Aðgangseyrir kr. 250 og rennur það óskipt til kaupa á vinningum. Tilboð á barnum. Hvetjum alla til að mæta og taka þátt í skemmtilegum leik. Sjáumst hress á Brekku.

Laugardaginn 12. nóvember verður vinnudagur í Sæborg. Allir sem vettlingi geta valdið og hafa áhuga á að hjálpa okkur eru beðnir að mæta kl. 13.00. Það verður nóg að gera fyrir alla í tiltekt og viðgerðum. Um kvöldið verður svo grímubúningapartý...nánar auglýst síðar. Stjórn Kröflu

Föstudagskvöldið 4. nóvember kl. 21.00 byrjum við aftur á Pub Quiz. Skipt er í lið sem spreyta sig á skemmtilegum spurningum. Verðlaun fyrir sigurliðið. Aðgangseyrir kr. 250 og rennur það óskipt til kaupa á vinningum. Tilboð á barnum. Hvetjum alla til að mæta og taka þátt í skemmtilegum leik. Sjáumst hress á Brekku.

Þriðjudaginn 1. nóvember breytist áætlun Hríseyjarferjunnar Sævars.Sjá nánar hérÍþróttamiðatöðin í Hrísey verður opin á laugardögum kl. 12.00 - 15.00 frá 1. nóvember. Sjá nánar

Nú er hægt að fá harðfiskinn frá Hvammi í verslunum Hagkaupa, Fjarðarkaup, Kosti og víðar.Góðar fréttir fyrir burtflutta, sumarhúsaeigendur og alla sem vilja njóta þess besta á markaðnum.Einnig er hægt að koma við í fiskvinnslunni í Hrísey og kaupa glænýjan fisk.

Við ætlum að byrja kl. 15.00 á hátíðarsvæði og hér má sjá hvað við ætlum að gera okkur til gamans.