Fréttir

Nú fer gestum til Hríseyjar fjölgandi og færð orðin góð innan eyjar því viljum við biðja fólk sem tekur sér hjólbörur heim að bryggjunni vinsamlegast skilið þeim aftur á bryggjuna svo að aðrir geti notað þær.

Hinn árlegi hreinsunardagur verður 26. maí nk. Mætum við Hlein kl. 10.00 og tökum þátt í að hreinsa upp eftir okkur. Hvetjum sumarhúsaeigendur og gesti til þátttöku.  Að venju verður grillað í lokin.   Hverfisráð vill árétta að allur akstur að Hríseyjarskóla og að íþróttahúsinu er óheimill. Vinsamlegast virðið þá reglu. Hverfisráð Hríseyjar.

Miðvikudaginn 9. maí kemur borgarstjóri Denver í Colorado í Bandaríkjunum, Michael B. Hancock ásamt fylgdarliði í heimsókn. Með í för verður sendiherra Bandaríkjanna á Íslandi, Luis E. Arreaga og fólk úr ferðaþjónustunni í Denver. Í Hrísey verður Hús Hákarla-Jörundar  skoðað sem og bláskelsræktun við eyjuna. Borgarstjórinn í Denver og bæjarstjórinn á Akureyri undirrita síðan viljayfirlýsingu í Menningarhúsinu Hofi kl. 16.00 um að komið verði á formlegu vinabæjarsambandi á milli Denver og Akureyrar í náinni framtíð með áherslu á samvinnu á sviði menningarmála, menntunar og viðskipta.

Þá er komið að því að byrja undirbúning hátíðarinnar. Hátíðin er helgina 13. - 15. júlí. Þriðjudaginn 8. maí kl. 20.00 verður haldinn fyrsti fundur í húsi Hákarla Jörundar.  Hvetjum alla sem áhuga hafa á að vera með í skipulagningu og framkvæmd að mæta á fundinn.   Stjórn Ferðamálafélagsins.  

Laugardaginn 5. maí verður opið í Holti og húsi Hákarla Jörundar kl. 13.00-17.00.Aðgangur ókeypis. Söngur Hreins Plássonar mun óma í húsi Hákarla Jörundar. Sjá auglýsingu.

1. maí hlaup UFA fór fram í morgun í blíðskaparveðri. Nemendur Hríseyjarskóla fjölmenntu í hlaupið að vanda. Um 400 hlauparar á öllum aldri tóku sprettinn. Leikskólabörnin hlupu 400 m hring á vellinum og grunnskólanemendur og fullorðnir ýmist 2 eða 5 km. Í flokki fámennra skóla í skólakeppninni sigraði Hríseyjarskóli fjórða árið í röð með 83,3% þáttöku og fékk þar með bikar sem verið hefur farandbikar til eignar. Að hlaupi loknu var boðið upp á Pizzur frá Greifanum og Svala og nokkrir heppnir þátttakendur hlutu útdráttarverðlaun frá Sportveri. Myndir hér

Verkalýðsfélagið Eining – Iðja býður upp á kaffi og pönnukökur á Cafe Hrísey á milli kl. 15.00 og 17.00 þriðjudaginn 1. maí.Allir velkomnir Cafe Hrísey.

Skemmtilegt við tal við Ólaf Pálma Agnarsson á Bylgjunni í morgun. Hlusta hér

Þá er hann loksins kominn á vefinn annállinn frá þorrablótinu. Hann má einnig finna undir greinar ásamt ýmsu öðru.

Hér má sjá verkefni úr sögu Hríseyjar sem nemendur miðdeildar unnu í upplýsinga og tæknimennt. Helsti heimildamaður var Þorsteinn Þorsteinsson.