Fréttir

Frá 1. september verður ferðin kl. 23.00 frá Hrísey og frá Árskógssandi kl. 23.20 upphringiferð  og kostar kr. 1.200. Sjá áætlun 

Takið eftir íbúar, nýbúar, burtfluttir og sumarhúsaeigendur. Leikklúbburinn Krafla byrjar að baka vöfflur kl. 15.00 og verður að eitthvað fram eftir degi. Eitthvað verður um að vera á sviðinu og Ferðamálafélagið býður upp á vagnferðir um þorpið með leiðsögn á léttu nótunum. Kveikt verður upp í grillum kl. 18.00 og seldir verða hamborgarar og franskar og jafnvel eitthvað meira kalt og svalandi. Gert er ráð fyrir að dagskrá ljúki kl. 22.00..... Allir sem luma á einhverju skemmtilegu eru meira en velkomnir að nýta sér sviðið. Nú er um að gera að mæta á svæðið og hafa gaman....

Vetraropnun hefst mánudaginn 27. ágúst og verður sem hér segir: Mánudaga - föstudaga: 12.00 - 13.00 og 15.00 - 18.00 Einnig er opið á föstudagskvöldum kl. 20.00 -  22.00 Laugardaga og sunnudaga: 14.00 - 17.00 Minnt er á vaktsímann 891-9614 Frávik frá auglýstum opnunartíma verða auglýst í Júllabúð og á síðu búarinnar á Facebook.

Í tilefni af 150 ára afmæli Akureyrarbæjar veitir bærinn sex listamönnum styrk til dvalar í Gamlaskóla í október og nóvember. Það var ekki auðvelt verk að velja úr hópnum því alls sóttu 95 listamenn um þessi sex pláss og allir mjög frambærilegir. Rekstur Gamlaskóla hefur nú gengið um nokkurt skeið og stöðugt fjölgar umsóknum. Allir sem dvalið hafa á okkar vegum í Hrísey eru mjög ánægðir og heillaðir af öllu í eynni. Við strákarnir í Norðanbáli viljum því nota tækifærið og þakka öllum í Hrísey fyrir góðar viðtökur.              

Nú á að fjölmenna á súpukvöldið á Dalvík í kvöld, farið með Guðrúnu (skeljabátnum) kl. 20.00. Verð er kr. 2.000 pr. mann. Allir að koma með lágmarkið er 20 manns. Hægt er að skrá hjá Gunnari Páli í síma 859-3613

Nú er um að gera að taka frá laugardaginn 8. september. Þá verður hinn árlegi skemmtidagur okkar. Veðrið mun að sjálfsögðu leika við okkur eins og vanalega þennan dag. Nánar auglýst síðar.

Myndir frá hátíð - Myndirnar tóku Kristín Björk Ingólfsdóttir og Díana Björg Sveinbjörnsdóttir Hátíðin tókst í alla staði ljómandi vel og var töluverð aukning á gestum til eyjarinnar. Um helgina komu rétt um 1.500 manns en fjöldinn hefur verið í kring um 1.000 síðustu ár. Mikil ánægja er með hátíðina og höfðu nokkrir gestir orð á því að þetta væri sko alvöru fjölskylduhátíð því hér fundu allir eitthvað við sitt hæfi.

Myndir frá hátíð

Hér má sjá dagskrána

Nú er dagskráin að verða tilbúin fyrir hátíðina og mun birtast hér í byrjun næstu viku ennþá nokkur atriði sem þarf að ganga frá. Það má samt reikna með föstum viðburðum s.s. óvissuferðum, söngvarakeppni barna, hjólböruformúlu, ratleik, kvöldvöku, brekkusöng og varðeldi. Í ár verður krakka wipe out í fyrsta sinn og einnig óvissuferð fyrir unglinga. Kirkjutröppuhlaupið verður annað árið í röð og að sjálfsögðu bláskeljasúpa Skelfélagsins og Brekka mun selja grillaða hamborgara á svæðinu samkvæmt venju. Opið verður á Cafe Hrísey, í Júllabúð og Brekku alla helgina.