Fréttir

Hvað hefur þú til málanna að leggja? Áhugahópur um framtíð Hríseyjar boðar til málþings laugardaginn 14. september.Umræðuefni fundarins verða m.a.:Atvinnumál, byggðaþróun, þjónusta við íbúa, samgöngur, sumarhús, afþreying, ferðaþjónusta, heilbrigðismál,umhverfismál svo eitthvað sé nefnt.Hópurinn hvetur alla til að mæta á fundinn og taka þátt í umræðum eða bara til að hlusta á það sem aðrir hafa að segja, þetta er fundur þar sem allir eiga erindi sem láta sér málefni Hríseyjar varða.Fundurinn verður haldinn laugardaginn 14. september í Íþróttamiðstöðinni í Hrísey og hefst kl. 12:00 og lýkur klukkan 17:00.Á fundinn hafa boðað komu sína fulltrúar frá bæjarstjórn Akureyrarbæjar og Einingu Iðju. Þingmönnum og fleirum hefur einnig verið boðin þátttaka. Skráning á fundinn er hér og  í síma 864-1426. Í tengslum við fundinn og störf hópsins hefur verið sett af stað skoðanakönnun sem allir eru beðnir að svara. Hún er ekki eingöngu fyrir Hríseyinga heldur alla áhugasama. Hlekkur á skoðanakönnun. Hægt er að nálgast útprentað eintak í Júllabúð.

ATHUGIÐ 1. september verður ferja kl. 23.00 frá Hrísey og kl. 23.20 frá Árskógssandi upphringiferð Sjá áætlun 

Athugið. 1. september breytist áætlun þannig að ferja kl.23.00 verður upphringiferð. Sjá áætlun

Þá er komið að því, laugardaginn 7. september verður hinn árlegi Haustfagnaður. Dagurinn verður með svipuðu sniði og undanfarin ár. Leikklúbburinn Krafla byrjar að baka vöfflur kl. 15.00 á hátíðarsvæði.  Kveikt verður upp í grillum kl. 18.00 og seldir verða hamborgarar og franskar og jafnvel eitthvað meira og að sjálfsögðu eitthvað til að skola niður matnum með.   Nánari dagskrá verður birt í byrjun næstu viku.

Sjá opnunartíma í Íþróttamiðstöðinni

Afgreiðslutími í Júllabúð frá og með 26. ágúst 2013 sjá nánar

Fimmtudaginn 15. ágúst kom saman tíu manna hópur í Hrísey sem kallar sig áhugahóp um framtíð Hríseyjar. Hópurinn hefur ákveðið að halda íbúafund í september í samstarfi við fyrirtæki og félagasamtök í eyjunni. Á fundinum verður aðaláherslan lögð á hópavinnu þar sem unnið verður með fjölmörg málefni og hugmyndir auk þess verða gestafyrirlesarar. Hrísey eins og fjölmörg önnur byggðarlög á landinu þarf að vera í stöðugri vörn gagnvart atvinnumálum og íbúafjölda en nú telja margir íbúar að tími sé kominn á að snúa vörn í sókn og skapa áframhaldandi blómlega byggð í Hrísey. Tækifærin eru fjölmörg og engin ástæða til svartsýni. Næsti  fundur hópsins verður fimmtudaginn 22. ágúst kl. 20.00  í  húsi Hákarla Jörundar og eru allir velkomnir að vera með og taka þátt í undibúningi íbúafundar.

Þórey Kristín Aðalsteinsdóttir fótaaðgerðafræðingur kemur reglulega til Hríseyjar og þeir sem vilja fá tíma hjá henni er bent á að hafa samband við Rósu Káradóttur í síma 466-1769 eða 694-8652. Allir velkomnir aldnir sem ungir:)

Á siglingu sinni frá Siglufirði til Akureyrar kom Húni ll við í Hrísey. Þeir eru að klára túrinn í kring um landið og verða með tónleika á Akureyri í dag. Árrisulir eyjaskeggjar og gestir eyjarinnar mættu á bryggjuna og hlýddu á hljómfagran söng er sungið var fyrir áhöfnina á bryggjunni. Myndir hér 

Sjá auglýsingu