Fréttir

Þessar tölur birtust í Vikudegi 26. febrúar og eru fyrir árið 2008. Þetta hlýtur að vera algjört met miðað við höfðatölu.Um 6.000 manns fóru í sund í Hrísey á síðasta ári en 12.500 manns komu í Íþróttamiðstöðina.  "Það er í raun ótrúleg aðsókn í sunldaugina, íbúarnir eru um 170 talsins en suma daga eru allt að 100 manns í sundi.  Það er svipað hlutfall og um 10 þúsund gestir færu í Akureyrarlaug," segir Elín Gísladóttir forstöðumaður Sundlaugar Akureyrar.  Nú er bara að halda þessu áfram og vera dugleg að nota þessa frábæru aðstöðu okkar. 

Bifreiðaskoðun verður í Hrísey þriðjudaginn 24.mars n.k. í Slökkvistöðinni og hefst kl. 10:00.Skorað er á alla bifreiðaeigendur að mæta með farartæki sín til skoðunar. Frumherji  

Jákvæðar fréttir frá MRHÍ dag var tilkynnt hverjir fengu styrki frá Ferðamálastofu vegna úrbóta á ferðamannastöðum og fékk MRH þar kr. 250.000 til að setja upp áningarstað við Háborðið. Einnig fékkst styrkur frá Menningarrráði Eyþings til að halda málþing í Hrísey um sjálfbærni á áfangastað og er það fyrirhugað í maí, búið er að fá fyrirlesara til að koma. Þar fékk MRH kr. 300.000 og síðast en ekki síst fékkst 500.000 kr. styrkur úr Vaxtarsamningi Eyjafjarðar til uppbyggingar á ferðaþjónustu í Hrísey. Það er alveg ljóst að möguleikarnir eru margir hjá okkur og um leið og hægt er að vera með starfsmann til að sinna þessum málum fara hjólin að snúast. Næsta skref er að komast að í verkefni sem Útflutningsráð stendur fyrir um fuglaskoðun á Íslandi en til stendur að reyna að markaðssetja fuglaskoðun erlendis. Þarna er verið að fara í verkefni sem ekki hefur verið gert markvisst áður og miklar vonir bundnar við það. Hér í Hrísey er náttúrulega algjör paradís fyrir fuglaáhugamenn og um að gera að reyna að nýta það.   En nú er bara að halda áfram á þessum nótum og rífa upp þessa atvinnugrein hér í eynni. 

Gaman að segja frá því að 3 börn héðan fóru á Meistaramót Íslands í frjálsum íþróttum í Laugardalshöll helgina 28. feb til 1. mars og kepptu undir merki UFA (Ungmannafélag Akureyrar). Þau eru búin að æfa frjálsar íþróttir í rétt rúman mánuð undir stjórn Unnars Vilhjálmssonar. Æfingar eru einusinni í viku í íþróttahúsinu okkar tvo tíma í senn. Þá hafa þau farið síðasta hálfan mánuð einu sinni í viku í Bogann og  Íþróttahöllina á Akureyri og æft fyrir þetta mót. Þau náðu öll frábærum árangri og nú er bara að fygjast með þeim í framtíðinni.Þetta eru: 

Komnar eru nokkrar myndir frá Þorrablótinu og von er á meira á næstu dögum. Þessar myndir eru frá Þorsteini Þorsteinssyni.MYNDIR 

Þá er það grauturinn á laugardaginn 21. febrúar í Hlein kl. 12.00. Hvað skyldi nú vera boðið upp á með grautnum.Mætum og gæðum okkur á graut. 

Þá er því lokið, fyrsta þorrablóti Hríseyinga í nýju húsi. Þarna voru saman komnar 250 persónur og skemmtu sér allir konunglega. Nefndin stóð sig alveg prýðilega og voru margir sammála um að ballið hafi verið besta ballið í Hrísey frá upphafi, en hver dæmir fyrir sig. Nú óskum við eftir myndum frá þessari skemmtun því MRH hefur ekki enn eignast myndavél. Það væri voðalega gaman að fá nokkrar myndir til að setja hér inn. 

Í gær föstudag fékk Markaðsráðið úthlutað úr Vaxtasamningi Eyjafjarðar kr. 500.000 fyrir verkefnið  Perla Eyjafjarðar. Sótt var um til uppbyggingar á ferðaþjónustu í Hrísey og samstarfsaðilar MRH eru Eyfar og Akureyrarstofa. Það er alveg ljóst að svona styrkir efla mjög það starf sem Markaðsráðið hefur verið að vinna og stefnum við nú að því að koma okkur upp aðstöðu og gefa út kynningarefni.  

Nú er það ljóst að um 235 manns hafa keypt miða á þorrablótið já 235, ótrúlegt.En spennan er að verða gífurleg og mikið álag á nefndinni. En miðana á að nálgast í Brekku á morgun fimmtudag á milli kl 16 og 18 og vonandi að engin troðist nú undir í margmenninu.Fregnir herma að veðurspáin sé mjög hliðstæð okkur og öllum verði bara allir vegir færir.    

Ég sem er fædd og uppalin í Hrísey, vil lýsa ánægju minni með þessa ráðningu Lindu. Ég skoða síðuna á næstum hverjum degi.  Ég hef sérstaklega gaman af gömlu myndunum og greinunum sem Þorsteinn hefur verið svo duglegur að koma á framfæri.  Það væri gaman að sjá meira þannig.   Einnig er gaman að lesa allar nýju fréttirnar og skoða myndir af hinum og þessum viðburðum. Með kærri kveðju. Lovísa María Sigurgeirdóttir.