Fréttir

Þann 28. janúnar var þessi síða formlega sett í loftið og eru gestir nú orðnir 2027. Heimasíðan er búin að vera í loftinu í 41 dag og þá eru að meðaltali 49 manns að skoða hana á dag. Þetta eru mjög ánægjulegar tölur miðað við að engar ferðamannaupplýsingar eru komnar inn á síðuna. Það er heldur ekki búið að markaðssetja síðuna með markvissum hætti. Textinn sem á fara á síðuna er að mestu leyti tilbúinn, en eftir er að láta lesa hann yfir.Við viljum ítreka það að allar upplýsingar, athugasemdir, myndir, greinar og tillögur frá ykkur eru vel þegnar. Vinsamlegast setjið ykkur í samband við Lindu Maríu Ásgeirsdóttur eða sendið inn póst. Netfangið er mrh@hrisey.net , það er neðst á forsíðunni. 

Við ætlum að fylgjast með endurbótum á sundlauginni og byggingu íþróttahúss í Hrísey. Nú er komin fróðleikur um byggingu sundlaugarinnar og munum við svo birta myndir af framkvæmdunum. Gaman væri ef einhver ætti gamlar myndir af sundlauginni sem við gætum fengið.Þessi grein um sundlaugina er tekin upp úr ritgerð sem Elín Björg Ingólfsdóttir gerði í kring um 1984 í menntaskóla. Ritgerðin birtist í tímaritinu Súlum og þótti mjög merkileg vegna þess að lítið var til um ritaðar heimildir um Hrísey. Elín er barnabarn Elínbjargar Þorsteinsdóttur. Heimildir eru bæði munnlegar og skriflegar. Heimildaskrá fylgir ritgerðinni og munum við reyna að setja sem mest af þessu efni inn á síðuna.Saga sundlaugarinnarMyndir af framkvæmdum 

 Í gær laugardagin 3. mars var farið með könnun vegna Hríseyjarhátíðar á öll heimili í Hrísey og eyjaskeggjar beðnir um að taka þátt í henni. Könnunin verður sótt í dag og svo er einnig hægt að skila henni í kassa í búðinni.Við birtum hér niðurstöður könnunar sem var gerð á þessari síðu í febrúar.Hvað finnst þér um Hríseyjarhátíð ?Fín eins og hún er. : 25% Mætti endurskoða hana. : 34%Eigum að hætta með hana. : 24%Byggja hana upp meira á heimamönnum. : 17% Fjöldi svara: 71

 Ómar Árnason er með heimasíðu og bendum við fólki á að fara inn á hana og skoða. Hann er búinn að skanna inn fullt af gömlum myndum sem hann er að viða að sér. Þarna eru myndir af mannlífi, skipum, húsum og viðburðum. Það gæti jafnvel verið mynd af þér.slóðin inn á myndirnar er : http://www.123.is/omar/  Þar er farið í gamlar myndir. 

 Hríseyjarhátíð 2007 er dagana 20. - 22. júlíKæru HríseyingarFundur vegna Fjölskylduhátíðar verður í Hlein miðvikudaginn 28. febrúar kl. 20:00. Nú er um að gera að skella sér á fund, hafa áhrif og vera með.  Kaffi og með því.Hittumst kát og hressStjórn Markaðsráðs Hríseyjar 

 Nú er upprifjunin fyrir árið 1967 komin inn á vefinn. Það er alveg ótrúlega gaman að lesa þetta hjá honum Steina. Ef einhver er ósáttur við eitthvað í greininni er sá hinn sami beðinn að hafa samband við Steina sjálfan eða Lindu Maríu Ásgeirsdóttur.Vonandi njótið þið þess að hverfa fjörtíu ár aftur í tímann og lesa þessar skemmtilegu frásagnir. Tökum undir með Steina lengi lifi Hrísey..... 

Sunnudaginn 18. febrúar kl. 15.00 verður hið árlega bollukaffi í skólanum. Þar taka saman höndum foreldrafélag grunnskólans og nemendaráð. Mætum nú öll og styrkjum gott málefni.  

Nú streyma inn myndir frá Toppfilm.Toppfilm er kvikmyndafyrirtæki á Akureyri í eigu Arnars Þorsteinssonar sem er sonur Þorsteins Þorsteinssonar eða Steina rjúpu eins og við köllum hann. Það lítur úr fyrir að hinn mikli áhugi Steina á Hrísey erfist og fögnum við því að til eru svona gallharðir eyjaskeggjar. Við munum fá að njóta góðs af stórkostlegu myndasafni þeirra frá Hrísey sem þeir hafa verið að taka undanfarin ár.  

Hríseyjarhátíð 2007 er dagana 20. júlí - 22. júlí.Fyrsti fundur vegna Hríseyjarhátíðar verður haldinn í Hlein miðvikudag 14. febrúar 2007. kl.20.00. Mætum nú öll og ræðum niðurstöður könnunar sem er á síðunni.Stjórn Markaðsráðs.

 Það er komið inn annað hús. Það eru ekki tæmandi upplýsingar um Kelahús en úr því verður bætt á morgun. Það er orðið of áliðið til að fara að hringja í menn og fá upplýsingar. Vonandi haldið þið árfam að kíkja inn á síðuna þó svo að smá byrjunarörðugleikar séu hjá okkur.Okkur hefur borist aðstoð við þessa vinnu og viljum við þakka þeim Ómari Árnasyni fyrir myndir og Gísla Einarssyni fyrir að vera búin að vinna mikið af upplýsingunum á tölvu. Þetta mun spara mikla vinnu við innslátt og skönnun. Þarna eru alvöru áhugamenn á ferðinni.