Auglýst eftir Þjónustu- og upplýsingafulltrúa í Hrísey
Þjónustu- og skiplagssvið Akureyrarbæjar auglýsir eftir öflugum liðsauka sem hefur það meginhlutverk að veita íbúum og öðrum viðskiptavinum sveitarfélagsins framúrskarandi þjónustu og upplýsingar. Meginstarfsstöð er í Hrísey en viðkomandi sækir fundi og sinnir afleysingu í þjónustuveri í Ráðhúsi eftir þörfum og aðstæðum.
Í boði er fjölbreytt starf í metnaðarfullu teymi þjónustu og þróunar.
Starfshlutfall er 50% og um ótímabundið starf er að ræða.
Helstu verkefni eru:
- Símsvörun á skiptiborði fyrir allar starfseiningar Akureyrarbæjar og margvísleg upplýsingagjöf í gegnum síma, netspjall og tölvupóst.
- Móttaka og úrvinnsla erinda og ábendinga.
- Tekur á móti viðskiptavinum sem koma á skrifstofu bæjarins í Hrísey, leiðbeinir og aðstoðar eftir þörfum.
- Náið samstarf við hverfisráð Hríseyjar, ritar fundargerð ráðsins og heldur utan um gögn þess.
- Innsetning efnis á heimasíðu bæjarins.
- Öflun frétta, svo sem af mannlífi og þjónustu i Hrísey, textavinna og miðlun á heimasíðu og samfélagsiðla bæjarins.
- Dagleg umsjón með skrifstofuaðstöðu og sal í húsnæði bæjarins í Hrísey.
- Tilfallandi verkefni sem snúa að starfsemi sveitarfélagsins í Hrísey.
Menntunar- og/eða hæfniskröfur:
- Stúdentspróf eða sambærileg menntun.
- Reynsla af textavinnu og/eða miðlun upplýsinga er æskileg.
- Reynsla af símsvörun og/eða framlínustörfum er kostur.
- Reynsla af vinnu við samfélagsmiðla er kostur.
- Góð almenn tölvukunnátta er nauðsynleg.
- Mjög góð kunnátta í íslensku og ensku í töluðu og rituðu máli er nauðsynleg.
- Sjálfstæð og skipulögð vinnubrögð og frumkvæði í starfi.
- Mikil samskiptafærni og þjónustulund.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Tekið verður tillit til Mannréttindastefnu Akureyrarbæjar um jafnréttismál við ráðningu í starfið.
Laun eru samkvæmt kjarasamningi Sambands íslenskra sveitarfélaga og Kjalar.
Upplýsingar um kaup og kjör veitir launadeild Akureyrarbæjar: launadeild@akureyri.is
Nánari upplýsingar um starfið veitir Jón Þór Kristjánsson forstöðumaður þjónustu og þróunar í síma 460-1022 eða í netfanginu jon.thor@akureyri.is
Einungis er tekið á móti rafrænum umsóknum.
Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9 og hjá Ásrúnu Ýr á netfanginu afram@hrisey.is
Umsóknarfrestur er til og með 19.september 2023
